رئيسا للوزراء

هذة التدوينة هلس وتهييس  واى تشابه بينها وبين الواقع فهو مقصود الصراحة

بعد نجاح الببلاوى باشا فى تكوين حكومة ثورة 1919  وتربعه على عرشها حيث انه يمثل عنصر الشباب والحيوية هو وكل طاقم الوزراء اطال الله فى عمرهم  جاءتنى الفكرة ماذا لو كنت انا رئيسا للوزراء وكيفية اختيار الوزراء وعلى اى اساس سيتم اختيارهم  فلنبدأ باذن الله الوزارة ومناقشة الترشيحات

1- وزراة الخارجية  كلنا يعلم ان وزارة الخارجية هى وزارة سيادية ويحتفظ باختيارها الرئيس لا رئيس الوزراء ولكن هأفترض جدلا اننى ان من ساختارها واول الترشيحات واخرها ستكون الوزراة للراقصة اللولبية  /دينا  هتقولى ازاى هتعين رقاصة فى وزارة الخارجية اقولك بص يا سيدى الخليجى من دول اول ما بينزل بيروح ع شارع الهرم ويصرف فلوس قد كده ع الكباريها احنا هنوفر عليهم كل ده ودى هتكون هى وزيرة الخارجية واتوقع ان النقطة اسف المساعدات هتنزل ترف على مصر من كل الدول العربية

2-وزراة الدفاع : وزراة الدفاع ستتولاها الفنانة الصاروخ / غادة عبد الرازق  واظن مش محتاجة تفسير اكتر من كده

3- وزارة النقل والمواصلات  ما فيش غيرها ام عجلة / روبى  هى هتركب العجلة وهتشجع  مصر كلها على ركوب العجل

4- وزارة البيئة  اظن ما فيش بيئة بعد اوكا وارتيجا

5- وزارة الثقافة  هو سعد الصغير يعنى شعب بيسمع اوكا واو رتيججا نجيب له  رئيسة اوبرا وزيرة ثقافة  بزمتك ينفع يا مؤمن

6- وزارة الاعلام : ما فيش غيره سيد على سيد على طبل لنظام مبارك والحزب الوطنى وطبل للمجلس العسكرى ولما الاخوان مسكوا قالك انا بن المشروع الاسلامى ولما الاخوان مشيوا فضل يشكر فى الاعلامين الشرفاء اللى اطاحوا بحكم الاخوان امثال العظيم توفيق عكاشة فالصراحة انا بعتبر سيد على اكبر معرض فى مصر كلها

7-وزارة الشباب : هو بشحمه ولحمه اللى بيشع طاقة وحيوية وراكب فى كل الحكومات الدكتور الجنزورى واهى فرصة  يحول الترع لحمامات سباحة زى زمان

8-  وزارة المالية : لطفى لبيب هو المرشح لأنى دايما بحس انه شبه اليهود فأكيد هيكون  عنده بعض من طبعهم ويكون قادر على الحفاظ على وزارة المالية

9-وزارة البحث العلمى : ملهاش لازمة
10-وزارة الطاقة :ايتن عامر بالتأكيد اكيد طبعا كلنا شوفنا الطاقات الكامنة بتاعتها لما قالت احبوووووووووووووش

11-وزاة التعليم والتعليم العالى : ما فيش غيرها الهام شاهين او ليلى علوى لانهم اكتر اتنين ربوا اجيال وخبراتهم واسعة ف المحال ده

12-وزارة الزاراعة والانتاج الحيوانى : هو بغباوته بوشه العكر توفيق عكاشة ده عارفة وقفة اللى لامؤاخذة الجاموسة ف السوق بكام

13- وزارة الصحة والسكان : الشحات مبروك صحته حلوة وينفع
14- وزارة الرياضة : ما فيش غير الكابتن ممدوح فرج  واهى فرصة نغير من الكرة للمصارعة 
15- وزارة العدل : ما فيش غيره الكابت جمال الغندور
 16- وزارة الاستثمار : الراجل بتاع الشركة السعودية  اللى كان بيطلع فى قناة الناس يااااه ع استثماره للفواصل
17- وزارة التموين : اى تاجر حشيش شريف  لاننا فى المرحلة اللى جاية لازم الحشيش ينزل على بطاقة التموين وتدعمه الدولة

وبكدا نكون قدرنا نشكل حكومة من الفنين قادرة على مواجهة تحديات مصر فى المستقبل القريب والبعيد والنص نص